ESSELAMU ALEJKUM
Qendra Kulturore Islame Shqiptare VISP
AIKZ-është qendër islame e organizuar nga një grup muslimanësh që jetojnë në Zvicër me seli në Visp / Wallis
Si klub i vogël fillimisht, daton nga viti i largët 1992, themeluar nga gjenerata e dytë e diasporës tonë në Wallis e rrethinë. Duke pas parasysh nevojën për plotësimin e jetës fetare e kulturore të komunitetit tonë, kjo qendër ka organizuar aktivitete të ndryshme fetare e kombëtare por edhe humanitare gjatë ndodhive historike të viteve 90ta të kombit tonë. Si pikëtakim i vëllezërve tanë nga diaspora, ka funksionuar pa imam, deri ne vitin
2002.
Në Shkurt të vitit 2002, komuniteti shqiptarë islam në Visp, pas një iniciative grumbullon mjetet dhe e blenë hapësirën aktuale, të cilën e adaptojnë dhe përshtatin enkas për xhami. Kësisoji edhe bëhet regjistrimi si dhe fillon të angazhohet imami i rregullt. Që atëherë, qendra jonë ka kryesinë, statutin si dhe antarësinë aktive, që çdo vit organizojnë në plotni jetën kulturore fetare për të gjithë komunitetin islam shqiptarë ne Visp / Wallis.
Xhamia jonë numron mbi 200 antarë aktiv dhe me familjet e tyre. Kemi mejtepin tonë që çdo bëjnë hatme nxënësit tanë. Çdo vit organizohen ligjërata e tubime të shumta, hatme, mbrëmje Kuranore, ligjërata për gra e shumë aktivitete tjera sportive rekreative për datat tona të rëndësishme fetare e kulturore islame. Bëhen vizita të organizuara te xhamitë e qendrat tjera islame shqiptare gjithandej nëpër Zvicër. Kësisoji duke e ruajtur gjenezën tonë Islame, angazhohemi në ta mirëmbajmë jetën fetare kulturore te komunitetit tonë në Diasporë.
Eja dhe antarësohu në Qendrën Islame AIKZ ne Visp
Regjistrohu tani online dhe ruaj traditen fetare islame ne komunitetin tone ne VISP.